უნივერსიტეტის აკადემიური სტრუქტურა ეფუძნება კათედრების საქმიანობას, რომლებიც უზრუნველყოფენ როგორც პრაქტიკული, ისე თეორიული დისციპლინების მაღალ დონეზე სწავლებასა და კვლევას.
მწვრთნელთა ფაკულტეტის კათედრები საგანმანათლებლო, სამეცნიერო და ინოვაციური საქმიანობის მნიშვნელოვანი ცენტრებია, რომელთა მიზანია სტუდენტების პროფესიული კომპეტენციების განვითარება, ახალი ცოდნის შექმნა და მისი პრაქტიკაში დანერგვა.
ფაკულტეტზე მიმდინარე საქმიანობა მოიცავს სასწავლო პროცესის ორგანიზებას, სამეცნიერო-კვლევით პროექტებში მონაწილეობას, ახალი მეთოდური მასალების შექმნას, საერთაშორისო თანამშრომლობის განვითარებას და თანამედროვე მიდგომების დანერგვას სპორტისა და ფიზიკური აღზრდის სფეროში.
მწვრთნელთა ფაკულტეტი შედგება ექვსი კათედრისგან, რომლებიც უზრუნველყოფენ სპეციალიზებულ და მრავალმხრივ აკადემიურ მომზადებას სპორტის სხვადასხვა სფეროში:
- პედაგოგიკის, ფსიქოლოგიისა და სოციოლოგიის კათედრა-უზრუნველყოფს სტუდენტების მომზადებას ადამიანის განვითარებისა და სწავლების პროცესების საფუძვლებზე. აქ ისწავლება სპორტული მოტივაციის, ფსიქოლოგიური მხარდაჭერისა და სოციალური ინტეგრაციის პრინციპები. სტუდენტები ეუფლებიან ცოდნას, რომელიც აუცილებელია მწვრთნელის პროფესიული და ჰუმანური საქმიანობისთვის.
- სპორტული თამაშების კათედრა – აერთიანებს სხვადასხვა პოპულარული სპორტული თამაშის (ფეხბურთი, ჩოგბურთი, ხელბურთი, რაგბი, კალათბურთი, ფრენბურთი, ჭადრაკი, მაგიდის ჩოგბურთი, მოძრავი თამაშები) სპეციალისტებსა და სასწავლო პროგრამებს. აქ განსაკუთრებული ყურადღება ეთმობა ტექნიკისა და ტაქტიკის სრულყოფას, თამაშის ანალიზს, გუნდის მართვასა და პრაქტიკული სწავლების მაღალ დონეს.
- სპორტთამაშების (ფეხბურთი, ჩოგბურთი, ხელბურთი, რაგბი, კალათბურთი, ფრენბურთი, ჭადრაკი, მაგიდის ჩოგბურთი და მოძრავი თამაშები) კათედრის გამგე
- სპორტის მასობრივი სახეების კათედრა – ფოკუსირებულია ისეთ სპორტულ სახეებზე, როგორიცაა მძლეოსნობა, ტანვარჯიში და სპორტის საწყალოსნო სახეობები, რომლებიც ფართოდ გამოიყენება როგორც პროფესიულ, ისე მასობრივ დონეზე. სტუდენტები ეუფლებიან ამ დისციპლინების ტექნიკას, სწავლების სპეციფიკას და სპორტსმენთა მრავალმხრივ მომზადებას.
- სპორტის გამოყენებითი სახეების კათედრა – ავითარებს სპორტულ მიმართულებებს, რომლებიც დაკავშირებულია თავდაცვით უნარებთან, სპეციალურ ფიზიკურ მზადებასთან და გამოყენებით მოქმედებებთან. სწავლება მოიცავს უსაფრთხოების, სტრატეგიისა და პრაქტიკული უნარების განვითარებას სპეციალიზებულ გარემოში.
- ფიზიკური აღზრდისა და სპორტის თეორიის, მეთოდიკისა და ისტორიის კათედრა – სთავაზობს სტუდენტებს ფიზიკური აღზრდისა და სპორტის ისტორიულ და თეორიულ საფუძვლებს. აქ განიხილავენ სპორტული განათლების მიზნებს, სწავლების თანამედროვე მიდგომებსა და სპორტული მეცნიერების ინტერდისციპლინურ კავშირებს.
- სპორტის მენეჯმენტის კათედრა – ამზადებს სპორტის სფეროში მენეჯმენტის პროფესიონალებს. სასწავლო პროგრამა მოიცავს ორგანიზაციულ მართვას, სპორტული ღონისძიებების დაგეგმვას, სპორტულ მარკეტინგს, რესურსების მართვასა და ადმინისტრირებას როგორც ეროვნულ, ისე საერთაშორისო დონეზე.
