მანანა გოშაძე

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის კიბერნეტიკის ფაკულტეტი, სტრუქტურული და გამოყენებითი ლინგვისტიკის სპეციალობით.
მიენიჭა ლინგვისტისა და ინფორმაციის ავტომატური დამუშავების სპეციალისტის კვალიფიკაცია.
1979 წელს დაიცვა ფილოლოგიურ მეცნიერებათა კანდიდატის ხარისხი.
1986 წელს მიენიჭა დოცენტის წოდება.
2006 წელს მიენიჭა დოქტორის აკადემიური ხარისხი.

1975 წლიდან 1980 წლამდე მუშაობდა პედაგოგად ა. ს. პუშკინის სახელობის თბილისის სახელმწიფო პედაგოგიურ ინსტიტუტში.
1980-1981 წლებში მუშაობდა განათლების მუშაკთა პროფკავშირის საქართველოს რესპუბლიკური კომიტეტის ინსტრუქტორად.
1980 წლიდან დღემდე საქართველოს შოთა რუსთაველის თეატრისა და კინოს სახელმწიფო უნივერსიტეტში მოღვაწეობდა დოცენტის პოზიციაზე, ამჟამად კი არის მოწვეული მასწავლებელი.
1992-1993 წლებში იყო რობაქიძის სახელობის უნივერსიტეტ „ალმა-მატერის“ დოცენტი.
2007-2010 წლებში მუშაობდა გამომცემლობა „კენტავრში“ უფროს სპეციალისტად (კორექტორად).
2012 წლიდან 2022 წლამდე იყო საქართველოს ღია სასწავლო უნივერსიტეტის ასოცირებული პროფესორი.
2014 წლიდან დღემდე არის საქართველოს სპორტის სახელმწიფო უნივერსიტეტის ასოცირებული პროფესორი.
2015 წლიდან დღემდე მუშაობს ჟურნალ „რაინდის“ მთავარი რედაქტორის მოადგილედ.

ფილოლოგიისა და ლინგვისტიკის მიმართულებით მოღვაწე სპეციალისტია, რომელსაც მრავალწლიანი გამოცდილება აქვს როგორც აკადემიურ, ისე საგამომცემლო სფეროში. გამორჩეულია სტრუქტურული და გამოყენებითი ლინგვისტიკის სფეროში განხორციელებული საქმიანობით. მის პროფესიულ საქმიანობას საფუძვლად უდევს კიბერნეტიკისა და ლინგვისტიკის შეხების სფეროში მიღებული განათლება და პრაქტიკული ცოდნა. აქტიურად არის ჩართული უნივერსიტეტების სასწავლო პროცესში და მუშაობს როგორც პროფესიულ, ისე რედაქციულ მიმართულებებზე.